VBINF6100 Grunnleggende metadata Emneplan

Emnet gjev ei innføring i viktige standardar og praksisar innanfor metadataproduksjon i den norske og internasjonale biblioteksektoren. Å forstå metodar og grunnleggjande prinsipp for praktisk katalogisering og emnebeskriving er viktige læringsmål, men emnet søker også å gje studentane innsikt i andre utfordringar knytt til metadata, inkludert metadatakvalitet, interoperabilitet og etiske sider ved metadataproduksjon.

Undervisinga er på norsk.

Ingen forkunnskapskrav.

Studenten skal etter å ha fullført emnet ha følgjande totale læringsutbyte definert i kunnskap, dugleikar og generell kompetanse:

Kunnskapar

Studenten

• har grunnleggjande kunnskap om registreringsstandardar og metadataskjema for beskriving og gjenfinning av ulike dokumenttypar i bibliotek
• har grunnleggjande kunnskap om metadatakvalitet og kva denne har å sei for gjenfinning og utveksling
• har god kunnskap om emnebeskriving og emnespråk

Dugleikar

Studenten

• kan det grunnleggjande i å analysera og beskriva ulike dokumenttypar med tanke på gjenfinning i bibliotek
• kan det grunnleggjande i å vurdera og evaluera bibliografiske registreringsstandardar og metadataskjema
• kan det grunnleggjande i å gjera innhaldsanalyse av dokument og i bruk av emnespråk

Generell kompetanse

Studenten

• har kompetanse i bruk av digitale verktøy og teknologi
• har erfaring i samarbeid og arbeidsdeling
• har evne til å formidla og diskutera teknologi og bruk av teknologi i eigen disiplin

Arbeidsformene vekslar mellom videoførelesingar, nettdiskusjonar, webinar og sjølvstudium.

For å kunna framstilla seg til eksamen må studenten ha følgjande godkjende arbeidskrav:

• Arbeidskrav 1: Klassifikasjon. Studentane løyser oppgåver for å bli kjende med klassifikasjonsskjema. Omfanget på oppgåvesvaret vil vera omtrent 1 side.
• Arbeidskrav 2: Emneord. Studentane løyser oppgåver for å læra om emneord. Omfanget på oppgåvesvaret vil vera omtrent 1 side.
• Arbeidskrav 3: Dokumentbeskriving. Studentane arbeider med konkrete metadata og modellar for dokumentbeskriving. Omfanget på oppgåvesvaret vil vera omtrent 2-6 sider.
• Arbeidskrav 4: Ei individuell skriftleg oppgåve som svarer på ein sjølvvald problemstilling innanfor ei gitt ramme. Arbeidsmengda vil vera omtrent som dei tre første arbeidskrava til saman. Omfang vil variera etter problemstillinga som vert vald.

Emnet har arbeidskrav for at studenten skal læra å bearbeida og bruka det faglege innhaldet, utover berre å lesa pensum og/eller ta eksamen.

Arbeidskrava må vera gjennomførte og godkjende innan fastlagd frist for at studenten skal kunna framstilla seg til eksamen. Dersom eitt eller flerie arbeidskrav ikkje vert godkjende, er det høve til å levera ein forbetra versjon, ein gong innan ein fastlagd frist.

Eksamen i emnet er ein individuell heimeeksamen over ein periode på 6 timar.

Alle hjelpemiddel er tillatne så lenge reglar for kjeldetilvisingar vert følgde.

Gradert skala A - F.

Intern og ekstern sensor sensurerer eksamenssvara.

Eit uttrekk på minst 25% av eksamenssvara vert sensurert av to sensorar. Karakterane på desse samsensurerte eksamenssvara skal danna grunnlag for å fastsetja nivå på resten av eksamenssvara.

Målgruppe

Målgruppen for emnet er

• kandidater med bibliotek- og informasjonsfaglig utdanning som ønsker faglig oppdatering og fornying
• ansatte i bibliotek med annen bachelorgrad som ønsker faglig oppdatering og fornying
• kandidater som har bachelorgrad eller tilsvarende høyere utdanning og som ønsker 60 studiepoeng i bibliotekspesifikke fag som kreves for stillinger i sektoren

Opptakskrav

Opptakskravet er

• Bachelorgrad og minimum to års arbeidserfaring

Arbeidserfaringen trenger ikke å være relevant for studiet.

Realkompetanse

Søkere uten bachelor eller tilsvarende høyere grad kan vurderes på grunnlag av realkompetanse. Søkere må i så fall ha generell studiekompetanse og minst to års yrkespraksis fra bibliotek. Deltidsarbeid omregnes til heltid.

Rangering av søkere

Søkere rangeres etter gjennomsnittskarakter på bachelorgrad, i henhold til Forskrift om opptak til studier ved OsloMet - storbyuniversitetet.

Det gis 5 tilleggspoeng til søkere som er ansatt i folkebibliotek som biblioteksjef på dispensasjon.

Alle søkere blir rangert på grunnlag av den totale poengsummen.

Søkere som kvalifiserer på grunnlag av realkompetanse vurderes individuelt.