GLSM6200 Vurdering og tilpasset opplæring i matematikk og norsk Emneplan

Det faglege innhaldet i emne 2 er delt inn i 5 studiepoeng i norsk og 10 studiepoeng i matematikk.

Opptak til studiet.

Etter fullført emne har studenten følgjande læringsutbytte i faget definert som kunnskap, ferdigheiter og generell kompetanse:

Kunnskap

Studenten har

• inngåande undervisningskunnskap om matematikken elevane arbeider med på 1.-4. trinn, særleg addisjon og subtraksjon, geometri og måling
• kunnskap om sentrale trekk ved elevars utvikling av matematisk kunnskap på ulike alderstrinn både ut frå teori og forsking, mellom anna kunnskap om elevar med spesielle vanskar i faget
• har kunnskap om lese- og skriveopplæring i ein mangfaldig skule

Ferdigheiter

Studenten kan

• planleggje, gjennomføre og vurdere matematikk- og norskundervisning for alle elevar på trinn 1-4 med fokus på variasjon og elevaktivitet, forankra i forsking, teori og praksis
• bruke og vurdere kartleggingsprøver, diagnostiske prøver og ulike observasjons- og vurderingsmåtar, og kan ut frå resultata tilpasse opplæringa til elevanes ulike behov
• vurdere og bruke ulike undervisningsmetodar i lese- og skriveopplæringa, for elevar med norsk som førstespråk og elevar med norsk som andrespråk
• vurdere ulike typar norsk- og matematikkfaglege læremiddel ut frå ulike kriterium og med tanke på læringsutbyttet til elevane
• kunnskap om kva for utfordringar og moglegheiter skulen står overfor når det gjeld elevar med særskilte behov for tilrettelagt opplæring

Generell kompetanse

Studenten

• har innsikt i matematikkfagets rolle innafor andre fag og i samfunnet elles
• er sikker munnleg språkbrukar og stø i skriftleg bokmål og nynorsk
• forstår samanhengar mellom relevant forsking og moglegheiter i pedagogisk praksis

Retten til å ta eksamen føreset godkjente arbeidskrav og deltaking i bestemte faglege aktivitetar.

Arbeidskrav

Følgjande arbeidskrav må vere godkjende før ein kan ta eksamen i emne 2 (første studieår):

• Skriftleg gruppeoppgåve med munnleg presentasjon om tilpassa opplæring i norsk og matematikk etter nærare retningslinjer i undervisningsplanen. Omfang om lag 10 sider.
• Matematikk: Individuell arbeidsmappe. Studentane leverer tre mappearbeid knytt til fagemna i matematikk etter nærare retningslinjer i undervisningsplanen. Studentane utfører eit av desse mappearbeida i gruppe. Mappene skal leverast til faglærar, som gjev tilbakemelding til studenten. Omfang om lag seks sider kvar. Den munnlege eksamineringa i 2. studieår tar utgangspunkt i arbeidsmappa i matematikk, som inneheld tekstar studentane har arbeidd med i løpet av heile studiet, både 1. og 2. studieår.
• Norsk: Kunnskapsprøve i nynorsk formverk. Presentasjon med vurdering av læremiddel, munnleg og skriftleg, etter nærare retningslinjer i undervisningsplanen.

Faglege aktivitetar med krav om deltaking

• Deltaking på munnleg presentasjon av fleirfagleg gruppeoppgåve og å gje vurdering til ei anna studentgruppe. Det er ikkje høve til fråvær. Det blir gitt ei moglegheit til å gjere arbeidskravet seinare; studenten har sjølv ansvar for å avtale dette med faglærar. Manglande frammøte og deltaking på munnleg framlegg kan føre til at studenten ikkje får avleggje eksamen i emne 2.
• Deltaking på presentasjon med vurdering av læremiddel. Det er ikkje høve til fråvær. Det blir gitt ei moglegheit til å gjere arbeidskravet seinare; studenten har sjølv ansvar for å avtale dette med faglærar. Manglande frammøte og deltaking på munnlege framlegg kan føre til at studenten ikkje får avleggje eksamen i emne 2.

Sjukdom fritar ikkje for kravet om deltaking.

Avsluttande vurdering gjennomførast i vårsemestret. Eksamen er ein individuell heimeeksamen over to veker om tilpassa opplæring i norsk og matematikk. Omfanget på oppgåva skal vere på 5000 ord.

Gradert skala A-F

Det blir nytta to interne sensorar.