MOK1000 Medieretorikk Emneplan

Språkleg formidling skal gjere studentane til meir medvitne språkbrukarar.

Inga forkunnskapskrav.

Kunnskap

Studenten

• har kunnskap om norsk rettskriving og normer for god språkføring
• har oversikt over ulike sjangrar
• er medviten om og har kunnskap om samanhengen mellom språk, tanke og røyndom
• har kunnskap om kva rolle språket speler i samfunnet

Ferdigheiter

Studenten

• har utvikla evna til å uttrykke seg i eit klart og engasjerande språk
• kan analysere skriftlege og munnlege tekstar med utgangspunkt i retorikk, sosialsemiotikk, diskursanalyse og sjangerteori
• kan presentere og drøfte faglege problemstillingar

Arbeidsformene vekslar mellom forelesingar og seminar i plenum, individuell og gruppebasert oppgåveløysing med gjennomgang i grupper og plenum, og studentorganiserte kollokviegrupper/pensumlesing.

Praktisk og teoretisk orientert undervisning går hand i hand. Tanken er at teorien skal belyse og gje forståing for det praktiske arbeidet og omvendt. Oppgåveløysing med rettleiing og gjennomgang av produkta i grupper er ein grunnstamme i undervisninga.

Studentane skal løyse fire obligatoriske oppgåver - tre skriftlege og ei muntleg. Dei skriftlege oppgåvene skal til saman vere på om lag 8-12 sider. Somme oppgåver er praktiske øvingsoppgåver knytte til teorigjennomgang. Andre er produksjonsoppgåver, der studentane utfører praktiske skriveoppdrag. Det blir òg analyse- og drøftingsoppgåver, der pensumstoff blir trekt inn meir direkte. Enkelte av arbeidskrava skal leverast som ein del av eksamen (sjå vurdering).

Arbeidskrava skal leverast på norsk, då emnet er eit norskfagleg ferdigheitsfag.

Arbeidskrava blir godkjende av faglæraren. Alle arbeidskrava må vere godkjende for at studenten skal kunne gå opp til eksamen.

Dei fleste oppgåvene blir gjennomgått i grupper. Då får kvar student fagleg tilbakemelding frå ein lærar og ein eller fleire medstudentar. Studentane skal vere opponentar for kvarandre. Det er obligatorisk å delta i desse gruppegjennomgangane, og fråvær fører til at studenten mistar eksamensretten.

Karakteren byggjer på ei mappevurdering. Mappa har to delar:

1. Ein individuell todagars heimeeksamen, som er ei drøftings- eller analyseoppgåve knytt til pensum. Svaret skal normalt vere fem til ti sider, avhengig av eksamensoppgåva. Dette blir nærare presisert i oppgåveteksten.
2. Eitt eller fleire av dei obligatoriske arbeidskrava. Kva for arbeidskrav studentane skal levere inn, får dei vite saman med eksamensoppgåva. Studentane står fritt til å gjere endringar i godkjende arbeidskrav fram til dei leverer eksamenssvaret.

Eksamenssvaret skal leverast på norsk, då emnet er eit norskfagleg ferdigheitsfag.

Kandidatar som ikkje består, eller som har gyldig fråvær frå ordinær eksamen, kan melde seg opp til ny/utsett eksamen.

Alle hjelpemiddel er tillate så lenge regla for kjeldtilvising blir fylgd.

Studentane får bokstavkarakterar etter ein gradert skala, der A-E er bestått og F er ikkje bestått.

Heimeeksamen og arbeidskrav blir bedømde av ein intern og ein ekstern, eller to interne sensorar og får ein samla karakter.

Yngve Benestad Hågvar