MJ4200 Videojournalistikk Emneplan

Etter gjennomført emne skal studenten ha oppnådd følgande læringsutbytte:

Kunnskapar

Studenten

• kan analysere VJ-innslag og nyheitsreportasjar for fjernsyn og internett
• har avansert kunnskap om dramaturgi og strukturering av innslag for fjernsyn og internett.
• har inngåande kunnskap om videojournalistiske forteljinga og webkringkasting innan for nye digitale plattformer
• har avansert kunnskap om drøfting av VJ-innslag, samt analyse og refleksjon kring korleis desse innslaga kan representerer verkelegheita

Ferdigheiter

Studenten

• kan jobbe sjølvstendig som videojournalist
• kan filme og redigere VJ-innslag og nyheitsreportasjar for fjernsyn og internett
• kan gjennomføre gode intervju som videojournalist
• meistrar forteljarteknikk, bildekomposisjonar og redigeringsteknikkar innan ulike nye digitale plattformer
• kan analysere og ha ei kritisk tilnærming til intervjuteknikk, kamerateknikk, billedkomposisjonar og redigeringsteknikkar

Generell kompetanse

Studenten

• har avansert kompetanse innan presentasjon både av akademisk og journalistisk materiale
• kan nytta kunnskapane og ferdigheitene sine på nye område, også innan videojournalistikken
• kan nytta journalistiske ferdigheiter gjennom analysearbeid og eigen praksis

Studentane skal få innsikt i

• forteljartekniske moglegheiter med videokamera og redigering
• praktisk produksjon
• teori til å arbeide journalistisk med videokamera

Arbeidskravet er sett saman av eit videoinnslag for fjernsyn eller nett (på inntil fem minutt) laga som videojournalistikk, samt ein metoderapport på fire til seks sider. Dette arbeidet må vere levert og godkjend før studenten kan gå opp til eksamen.

Studenten kan få inntil tre forsøk på å få arbeidskravet godkjend. Dersom studenten ikkje gjennomfører arbeidskravet mister studenten retten til å gå opp til eksamen.

Eit videoinnslag for fjernsyn eller nett (på inntil fem minutt) laga som videojournalistikk og eit refleksjonsnotat på mellom 10 til 15 sider, i 12 punkt Times New Roman og 1,5 linjeavstand.

Refleksjonsnotatet skal vere knytt til eit aktuelt tema innan videojournalistens arbeid og til videoinnslaget. Karakteren vert sett etter ei samla vurdering.

Det gis karakter etter ein skala frå A-F, der E er lågaste beståtte karakter. Vurderingskommisjonen består av ekstern og intern sensor. Kandidatar som ikkje står eller har gyldig fråvær til ordinær eksamen, kan levere ein omarbeidd versjon til ny/utsett eksamen.

Pensumliste

• Bernard, Sheila Curran (2010): Documentary Storytelling: Creative Nonfiction on Screen . 4th edition. 2016 (386 sider). Focal Press.
• Frederiksen, Kristian (2009): Alene Med Et Kamera, revidert 4 . Udgave 2012 (312 sider). Forlaget Ajour.
• Kobre, Kenneth (2012): Videojournalism: Multimedia (272 sider). Focal Press.

Totalt 988 sider.

(Pensumliste ajour: August 2016)