Studieinfo emne KFKNU26100 2018 HØST
KFKNU26100 Norsk 2 for trinn 5-10, emne 1 Emneplan
- Engelsk emnenavn
- Norwegian Level 2 for Years 5-10, subject 1
- Studieprogram
-
Norsk 2 for ungdomstrinnet - kompetanse for kvalitet
- Omfang
- 15.0 stp.
- Studieår
- 2018/2019
- Pensum
-
HØST
2018
- Timeplan
- Emnehistorikk
-
Innledning
Emne 1 ligg i haustsemesteret og har avsluttande skriftleg heimeeksamen før jul. Målforma er bokmål. Studentane må levere to arbeidskrav før dei kan gå opp til eksamen: eit fagnotat om eit litterært emne og eit fagnotat om eit språkleg emne (om lag 2500 ord på kvart notat). Det eine fagnotatet skal skrivast på nynorsk, det andre på bokmål.
Forkunnskapskrav
Læringsutbytte
Etter fullført emne har studenten følgjande læringsutbytte definert som kunnskap, ferdigheit og generell kompetanse:
Kunnskap
Studenten
har kunnskap om språklege endringsprosessar i fortid og samtid
har innsikt i talemålsvariasjon i norsk på historisk og dialektologisk grunnlag
har kunnskap om eldre nordisk skjønnlitteratur, litteraturhistorie og ulike tilnærmingar til didaktisk arbeid med litteratur
har kunnskap om fleirspråklegheit, fleirspråkleg praksis og om det å lære norsk som andrespråk
har kunnskap om bruk av digitale verktøy i norskfaget
har kunnskap om den gjeldande læreplanen for skolens norskfag
Ferdigheit
Studenten
kan bruke kunnskap om talemål og skriftspråknormering i skriveopplæringfrå 5. til 10. trinn
kan gjennomføre god undervisning i nynorskdidaktikk
kan gjennomføre god undervisning i fleirspråklege klasserom og bruke fleirspråklegheit som ressurs i undervisninga
kan lese, analysere, tolke og vurdere norske tekstar og eit utval av samiske tekstar, sjå dei i eit historisk perspektiv og setje dei inn ein kulturell og offentleg samanheng
kan bruke læreplanen i faget til å formulere mål for norskopplæringa og relevante kriterium for vurdering
Generell kompetanse
Studenten
er stødig i bokmål og nynorsk
kan formidle norskfagleg innsikt og tilpasse form og innhald til ulike målgrupper
kan arbeide med språk og tekst i fleirspråklege klassemiljø og utvikle språk- og kulturforståing som tar den fleirkulturelle røyndomen på alvor
kan vurdere norskfaget og eigen praksis som norsklærar og grunngi vurderingane
Innhold
Norsk litteratur frå norrøn tid til 1900-talet - didaktiske tilnærmingar i dagens skole
Språkendringar i talemålet - historisk og i dag
Språknormering - historisk og i dag
Nynorskdidaktikk
Fleirspråklegheit på individnivå, samfunnsnivå og i klasserommet
Arbeids- og undervisningsformer
Studiet er nettbasert med samlingar på Høgskolen i Oslo og Akershus. Kvart emne har tre samlingar og avsluttande eksamen. Kvar samling går over to dagar. Dialogen mellom student og lærar, oppgåveinnleveringar og individuell oppfølgjing frå lærar skjer i hovudsak digitalt. Deltakarane arbeider med skriftlege oppgåver knytt til pensumstoff og eiga undervisning mellom samlingane. Desse vert leverte som arbeidskrav i høgskulens digitale læringsplattform til fastsette fristar.
Arbeidskrav og obligatoriske aktiviteter
Følgjande arbeidskrav må vere godkjente før studentane kan gå opp til eksamen i emne 1:
- Eit fagnotat om eit litterært emne (omfang 2500 ord)
- Eit fagnotat om eit språkleg emne (omfang 2500 ord)
- Ein omvendt klasseromfilm (flipped classroom) knytt til eit av fagnotata (5 minutt).
I arbeidskrava vert det lagt opp til at studentane skal kartleggje og utnytte fleirspråklegheit hos eigne elevar for å bruke fleirspråklegheit som ressurs i undervisning. Denne kunnskapen skal delast med eige kollegium.
Studentane vel sjølve rekkefølgda når det gjeld språkleg og litterært emne, men det første fagnotatet skal vere på nynorsk, det andre på bokmål.
Vurdering og eksamen
Avsluttande eksamen vert gjennomført i haustsemesteret. Den avsluttande vurderinga i emne 1 er ein individuell skriftleg heimeeksamen med oppgåver som kombinerer språklege og litterære emne. Omfang er om lag 5000 ord. Målform er bokmål. Eksamen vert vurdert av interne sensorar. Ekstern sensor tar stikkprøver av eksamenssvara som er sensurerte av interne sensora. Samsensur dannar grunnlag for karaktersettinga.
Ny/utsett eksamen
Ny og utsett eksamen blir arrangert på same måte som ordinær eksamen. Ved første ny og utsett eksamen kan det leverast ein omarbeidd versjon av ordinær eksamen. Ved seinare forsøk må ny heimeeksamen leverast.
Studentens rettar og plikter ved ny/utsett eksamen framgår av Forskrift om studier og eksamen ved Høgskolen i Oslo og Akershus. Studentar er sjølve ansvarlege for å melde seg opp til eventuell ny/utsett eksamen.
Hjelpemidler ved eksamen
Vurderingsuttrykk
Det blir nytta graderte karakterar (A-F). Sjå forklaringar om graderte karakterar i den generelle delen.
Sensorordning
Eksamen vert vurdert av interne sensorar. Ekstern sensor tar stikkprøver av eksamenssvara som er sensurerte av interne sensora. Samsensur dannar grunnlag for karaktersettinga.