EPN

KFKNU16200 Norsk 1 for trinn 5-10, emne 2 Emneplan

Engelsk emnenavn
Norwegian 1 Level 5-10, Subject 2
Studieprogram
Norsk 1, trinn 5-10
Omfang
15.0 stp.
Studieår
2018/2019
Timeplan
Programplan
Emnehistorikk

Innledning

Emne 2 ligg i vårsemesteret og har avsluttande mappeeksamen før sommaren. Arbeid med litteratur har ein sentral plass saman med emne som nynorskdidaktikk og norsk som andrespråk. Studentane har arbeidskrav som føreset utprøving av litteraturdidaktikk i eigne grunnskoleklassar.

Forkunnskapskrav

Emne 2 byggjer på emne 1.

Læringsutbytte

Etter fullført emne har studenten følgjande læringsutbytte definert som kunnskap, dugleik og generell kompetanse:

Kunnskap

Studenten

  • har kunnskap om leseforståing og lesestrategiar
  • kjenner til sentrale og relevante litteraturteoretiske og litteraturdidaktiske omgrep og perspektiv
  • kjenner til barne-, ungdoms- og vaksenlitteratur i ulike sjangrar
  • har kunnskap om fleirspråklegheit
  • har kunnskap om metaspråk og språklig medvit
  • har kunnskap om skriftleg og munnleg språk som ungdom brukar
  • har god innsikt i talemålsvariasjonen i moderne norsk
  • har kunnskap om norsk språkhistorie etter 1800 og om gjeldande normering av bokmål og nynorsk

Dugleik

Studenten

  • kan skrive godt på nynorsk og bokmål
  • kan bruke læreplanen i faget til å formulere mål for norskopplæringa og relevante kriterium for vurdering
  • kan lese, analysere og tolke tekstar
  • kan leggje til rette for arbeid med litterære tekstar i eit historisk, fleirkulturelt og tverrestetisk perspektiv
  • kan samanlikne tekstar tematisk, estetisk og didaktisk
  • kan analysere og tolke tekstar om migrasjon og sjå dei i lys av i aktuelle og/eller historiske situasjonar
  • kan leggje til rette for arbeid med munnleg dugleik på ulike trinn fra 5. til 10. trinn og bruke retorisk kunnskap i dette arbeidet
  • kan bruke og vurdere ulike undervisningsmetodar i arbeidet med munnlig dugleik
  • kan planleggje, gjennomføre og vurdere munnleg norskundervisning på ulike trinn
  • kan planleggje og gjennomføre samtalar om språk og litteratur i klasserommet

Generell kompetanse

Studenten

  • er ein sikker munnleg språkbrukar og stødig i skriftlig bokmål og nynorsk
  • kan formidle norskfaglege innsikter og tilpasse form og innhald til ulike målgrupper
  • kan bruke faglege kunnskapar til kritisk og konstruktiv refleksjon
  • kan arbeide sjølvstendig, og saman med andre, med elevers læring og utvikling i faget og på tvers av fag
  • kan leggje til rette for at arbeidet med språk og litteratur kan styrke identiteten til elevene og oppfordre dei til aktiv deltaking i det offentlege liv

Innhold

  • Barne- og ungdomslitteratur
  • Lesing, med vekt på litterære emne
  • Skjønnlitteratur, med vekt på noveller, romanar og drama
  • Lesestrategiar og vurdering
  • Litteraturteori og litteraturdidaktikk
  • Litterære samtalar
  • Drama som metode
  • Arbeid med språk og litteratur i det fleirkulturelle klasserommet
  • Munnleg norsk og munnleg opplæring
  • Språkhistorie og normering
  • Nynorskdidaktikk
  • Talespråksvariasjonar i moderne norsk - sosiolektar, multietnolektar og dialektar
  • Mappe som arbeids- og vurderingsform i eiga skriving

Arbeids- og undervisningsformer

x

Arbeidskrav og obligatoriske aktiviteter

Følgjande arbeidskrav må vere godkjende før studentane kan gå opp til eksamen i emne 2:

  • Munnleg framlegg gruppevis i plenum. Framlegget skal vere knytt til barne- og ungdomslitteratur. Arbeidskravet føreset deltaking på tredje samling.[1]
  • Innlevering av tekstar i digital arbeidsmappe. Arbeidsmappa skal innehalde inntil fire fagtekstar knytt til språklege og litterære fagemne i emne 2. Det blir gitt tilbakemelding på tekstane ved hjelp av digitale merknader frå lærar og/eller medstudentar. Studentane vel sjølve ut to av tekstane til ei vurderingsmappe og grunngir dette valet i eit refleksjonsnotat. Tekstane og refleksjonsnotatet blir vurdert  i samband med avsluttande vurdering.
  1. Mappetekst 1: Fagnotat om nynorsk - historisk og didaktisk. Omfang: 1500 ord +/- 10 %.
  2. Mappetekst 2: Fagnotat om litterære samtalar. Arbeidet med litterære samtalar inneber utprøving i eigen grunnskoleklasse og kunnskapsdeling i eige kollegium. Omfang 1500 ord +/- 10 %.
  3. Mappetekst 3: Bokmelding av ei barne- eller ungdomsbok. Omfang: 1000 ord +/- 10 %. 
  4. Mappetekst 4: Omtale av ei vaksenbok eller eit drama. Omfang: 1500 ord +/- 10 %.

Alle tekstane skal skrivast på nynorsk.

Innleveringsmappe blir oppretta med faste tidsfristar for kvar oppgåve. Godkjenning av tekstane er ei føresetnad for å kunne gå opp til eksamen i emnet.

[1] Redaksjonell endring 13.02.2018

Vurdering og eksamen

Eksamen vert gjennomført i vårsemesteret. Den avsluttande vurderinga er ein mappeeksamen. Vurdering av mappe med to tekstar valt frå arbeidsmappa, samt refleksjonsnotat (omfang: 1000 ord +/- 10 %). Målform: nynorsk. Det blir nytta intern og ekstern sensor. Ekstern sensor tar stikkprøver av eksamenssvara sensurert av intern sensor. Samsensur gir grunnlag for karaktersettinga for alle studentar.

Dato for innlevering til mappeeksamen er i mai/juni.

Ny/utsett eksamen

Ny/utsett eksamen vert gjennomført på same måte som ordinær eksamen. Ved første ny og utsett eksamen kan det leverast inn reviderte tekstar med utgangspunkt i opphaveleg arbeidsmappe. Det blir ikkje gitt ny rettleiing frå lærar. Ved seinare forsøk må nye tekstar leverast.

Studentens rettar og plikter ved ny/utsett eksamen framgår av Forskrift om studier og eksamen ved Høgskolen i Oslo og Akershus. Studentar er sjølve ansvarlege for å melde seg opp til eventuell ny/utsett eksamen.

Vurderingsuttrykk

Det blir nytta graderte karakterar. Sjå forklaringar om graderte karakterar i den generelle delen.

Sensorordning

Det blir nytta intern og ekstern sensor. Ekstern sensor tar stikkprøver av eksamenssvara sensurert av intern sensor. Samsensur gir grunnlag for karaktersettinga for alle studentar.