BIB3000 Bibliotekutvikling Emneplan

Innhaldet i emnet er knytt til biblioteka si rolle i samfunnet eller i organisasjonar; kva rammer påverkar biblioteka, korleis biblioteka si rolle kan bli realisert, og korleis evaluering av bibliotekverksemda kan bli brukt i tenesteutvikling.

BIBPRAK2, BIB2000, BIB2100, BIB2201, BIB2300

Kunnskapar

Studenten

• har innsikt i biblioteka sine tekniske og institusjonelle omgjevnader

• har kunnskap om biblioteket si som offentleg stad og møteplass i samfunnet

• har innblikk i teoriar og prinsipp for utvikling av fysiske og digitale samlingar

• har innblikk i metodar og verktøy knytt til leiing, administrasjon, og marknadsføring

• har grunnleggande kjennskap til korleis ulike styringsdata, verktøy og modellar for analyse m.m. kan brukast aktivt i organisasjonsutvikling

• kjenner arbeidsformer som bygger på kunnskapsbasert praksis og metode

Ferdigheter

Studenten

• kan diskutere og reflektere kritisk over biblioteket si rolle og samfunnsoppdrag

• kan vidareutvikle biblioteka sine tenester og samlingar

• kan anvende forskingsbasert kunnskap og teoriar om organisasjonsformar

• kan samarbeide om faglege prosjekt og gje tilbakemelding på andre sitt arbeid

• kan formidle ein fagleg bodskap, skriftleg og munnleg

Arbeidsformene vekslar mellom førelesingar, seminar, studiebesøk, diskusjonar, gruppearbeid, presentasjon og sjølvstudium.

Det er knytt to arbeidskrav i emnet:

1. Skriftleg prosjektarbeid knytt til eit gitt tema i faget.

2. Presentere eit pensumrelatert tema munnleg for medstudentane og faglærarane. Kvar gruppe skal gje tilbakemelding på to av presentasjonane.

Prosjektarbeid og presentasjon blir utført i grupper (tre til fem studentar). Det vert gitt noko rettleiing i samband med arbeidskrava.

Arbeidskrav skal være gjennomført innan fastlagt tid, og godkjend av faglærer før studenten kan framstille seg til eksamen. Dersom oppgåva ikkje blir godkjent, skal studentene få høve til å levere ein ny versjon.

Vurderingsforma er ein skriftleg, individuell sekstimars eksamen.

Kandidatar som ikkje består eksamen, kan melde seg til ny utsett eksamen.

Ingen hjelpemiddel er tillatne.

Gradert skala A-F.

Alle oppgåvene blir vurdert av intern sensor. Eit utval på 25 prosent av svara blir vald ut for vurdering av ekstern sensor.

Idunn Bøyum