Programplaner og emneplaner - Student
Norwegian for Lower Secondary School - Competence for Quality Programme description
- Programme name, Norwegian
- Norsk 2 for ungdomstrinnet - kompetanse for kvalitet
- Valid from
- 2024 FALL
- ECTS credits
- 30 ECTS credits
- Duration
- 2 semesters
- Schedule
- Here you can find an example schedule for first year students.
- Programme history
-
Introduction
Programplanen bygger på forskrift om rammeplan for grunnskolelærerutdanningene for 1.–7. trinn og 5.–10. trinn, fastsatt av Kunnskapsdepartementet 1. mars 2010, og nasjonale retningslinjer for grunnskolelærerutdanningen 5.–10. trinn.
Språk er grunnleggjande for tenking, forståing, oppleving og kommunikasjon. Ettersom norsk er eit språk- og tekstfag, vert det eit sentralt fag i skole og lærarutdanning. Norsk er eit kunnskaps- og danningsfag, eit estetisk fag og eit reiskapsfag med særskilt ansvar for opplæring i lesing, skriving og munnlege ferdigheiter.
Mål for studiet er å gjere lærarar i stand til å møte norskfaglege utfordringar i eit fleirkulturelt og multimedialt samfunn. Studiet profesjonaliserer i høve til elevtekst, både når det gjeld elevar si forståing av tekst og deira produksjon av eigne tekstar: munnlege, skriftlege og samansette. Vidareutvikling av lese- og skriveferdigheiter blir såleis sentralt. Å etablere forståing for linjene mellom fortid og samtid i språk og tekstkultur er likeeins eit mål for studiet. I språklege så vel som litterære emne vil norsk 2 integrere eit andrespråksperspektiv og eit interkulturelt perspektiv.
Studieprogrammet skal gi studentane høve til å utvikle eit fagleg og didaktisk grunnlag for tilpassa norskopplæring i grunnskolen. Arbeidet med norskfaget skal sikre eit vekselspel mellom teoretisk kunnskap, praksiserfaring og studentane sitt eige arbeid med språk og tekstar.
Kjerneelementa i norskfaget slik dei er formulerte i Fagfornyelsen vil vere grunnlaget når studentane skal utvikle kunnskap og arbeidsmåtar i faget. Tekst i kontekst vil omfatte arbeid med skjønnlitterære tekstar og saktekstar og elevtekstar, kritisk tilnærming til tekst vil vere gjennomgående for alt arbeid med tekst på studiet, men vil særlig vedgå emnet retorikk. Språkleg mangfald og læring er godt dekt med emna fleirspråklegheit og norsk som andrespråk, og språket som system og mulegheit vert spegla i emne som språkhistorie, talemålskunnskap og nynorskdidaktikk. Munnleg kommunikasjon og skriftleg tekstskaping er grunnleggjande arbeidsmåtar i heile studiet både når det gjeld studentane sin eigen aktivitet og deira arbeid for å tilretteleggje undervisning i klasserommet.
Studiet er eit deltidsstudium, og studentane må levere arbeidskrav knytt til pensum for emnet og til eiga undervisning i grunnskolen.
Target group
Studiet er ei nettbasert vidareutdanning med samlingar for lærarar på 5.-10. trinn som har 30 studiepoeng i norsk eller tilsvarande. Norsk 2 trinn 5-10 er eit studietilbod i regi av lærarutdanninga sin etterutdannings- og oppdragsvirksomhet, og tilbys som del av vidareutdanningsstrategien Kompetanse for kvalitet ¿ strategi for vidareutdanning av lærarar.
Admission requirements
Opptakskravet er allmenn-/grunnskole-/faglærerutdanning eller PPU. I tillegg krevst bestått norsk 1 trinn 5-10 (30 studiepoeng) eller tilsvarande (til dømes norsk 1 frå allmennlærarutdanning). Studentar som får studieplass, må vere i arbeid som lærar eller ha kontakt med ein skole der det er mogleg å ta aktivt del i norskopplæring. Kravet om bestått lærarutdanning kan fråvikast dersom søkjaren berre manglar faget ho/han søkjer på, for å fullføre lærarutdanninga si.
Learning outcomes
Meir informasjon om studiets læringsutbytte i emneplanane.
Teaching and learning methods
Studiet er nettbasert med samlingar på OsloMet. Dialogen mellom student og lærar, oppgåveinnleveringar, faglege ressursar og individuell oppfølgjing frå lærar skjer digitalt. I tillegg til undervisning blir samlingane brukt til erfaringsdeling med utgangspunkt i undervisningserfaringene til deltakerane.
Deltakarane arbeider med arbeidskrav i form av skriftlege oppgåver mellom samlingane.Oppgåvene knyter saman teoretisk fagstoff, didaktisk refleksjon og arbeid med norsk i klasserommet. Studentene skal lære å vurdere elevens utvikling i dei ulike delane av norskfaget. Studentane får øving i å reflektere didaktisk om vurdering og bruke ulike vurderingsformer i arbeid med litterære og språklige emne. Læreplanforståing inngår i dette arbeidet.
For nærare informasjon, sjå emneplanane.
Work requirements
Dei skriftlege oppgåvene er arbeidskrav som vert knytte til dei ulike fagemna. Desse arbeidskrava må vere bestått før studenten kan gå opp til eksamen. Sjå meir om arbeidskrav under emne 1 og emne 2.
Arbeidskrav skal vere levert/utført innan fastsett(e) frist(ar). Fråvær dokumentert med til dømes sjukemelding, fritar ikkje for å innfri arbeidskrav. Studentar som på grunn av sjukdom eller annan dokumentert årsak ikkje leverer/utfører arbeidskrav innan fristen, kan få forlenga frist. I kvart einskilt høve må ein avtale ny frist med læraren for å innfri arbeidskrav.
Arbeidskrav blir vurdert til «Godkjent» eller «Ikkje godkjent». Studentar som leverer/utfører arbeidskrav innan fristen, men som får vurderinga «Ikkje godkjent», har høve til maksimum to nye innleveringar/utføringar. Studentane må då sjølve avtale ny innlevering og vurdering av arbeidskravet med faglærar.
Assessment
Retten til å gå opp til eksamen føreset godkjente arbeidskrav.
For informasjon om avsluttande vurdering, sjå emneplanane.
Det blir nytta gradert karakterskala frå A til E for bestått og F for ikkje bestått. Sjå meir om vurdering og eksamen under kvart emne.
A: Arbeidet er ein framifrå prestasjon som klart skil seg ut. Det vitnar om særs god fagkunnskap, stor grad av sjølvstendig tenking og har særs godt språk. B: Arbeidet er ein mykje god prestasjon som ligg over gjennomsnittet. Det vitnar om mykje god fagkunnskap, sjølvstendig tenking og har mykje godt språk. C: Arbeidet er ein gjennomsnittleg prestasjon som har innslag av sjølvstendig tenking og er tilfredsstillande når det gjeld fagkunnskap og språk. D: Arbeidet er ein prestasjon under gjennomsnittet med manglar i fagkunnskap og/eller språk. E: Arbeidet har store manglar i fagkunnskap og/eller språk, men tilfredsstiller minimumskrava. F: Arbeidet tilfredsstiller ikkje minimumskrava til fagkunnskap og/eller språk.
Ny/utsett eksamen
Studentens rettar og plikter ved ny/utsett eksamen framgår av Forskrift om studier og eksamen ved OsloMet. Studentar er sjølve ansvarlege for å melde seg opp til eventuell y/utsett eksamen.
Høve til å klage
Det kan klagast over karakterfastsetting og på formelle feil i samsvar med Lov om universitet og høgskolar, jf. også Forskrift om studier og eksamen ved OsloMet.
Other information
Programplan for norsk 2, trinn 5–10 (30 studiepoeng) – oppdrag
Norwegian Level 2, Secondary Classes
30 studiepoeng
Deltid, frittståande vidareutdanning
Programplankode: KFKNU2
Fagplan godkjent av studieutvalet 7. mai 2012
Siste revisjon godkjent av utdanningsutvalet 14.12.2020
Programplanen gjeld frå haustsemester 2021
Fakultet for lærarutdanning og internasjonale studium
Institutt for grunnskole- og faglærarutdanning