Programplaner og emneplaner - Student
KFKNU26100 Norwegian Level 2 for Years 5-10, subject 1 Course description
- Course name in Norwegian
- Norsk 2 for trinn 5-10, emne 1
- Study programme
-
Norwegian for Lower Secondary School - Competence for Quality
- Weight
- 15.0 ECTS
- Year of study
- 2024/2025
- Curriculum
-
FALL 2024
- Schedule
- Programme description
- Course history
-
Introduction
Norsk 2 bygger på norsk 1 og omfattar norskundervisning for trinn 5-10 med vekt på ungdomstrinnet. Emne 1 gir historisk oversikt og meir omfattande kunnskap om sentrale språklege og litterære emne, djupare innsikt i aktuelle fagdidaktiske spørsmål og eit betre grunnlag for arbeid med læringsfremjande vurdering og tilpassa norskopplæring for alle elevar. Gjennom arbeid med språk og tekstar får studentane gode høve til å vidareutvikle sine eigne språkferdigheiter og sin eigen tekstkompetanse og formidlingsevne.
Emne 1 ligg i haustsemesteret og har avsluttande skriftleg heimeeksamen før jul. Målforma er bokmål. Studentane må levere to arbeidskrav før dei kan gå opp til eksamen: eit fagnotat om eit litterært emne og eit fagnotat om eit språkleg emne (om lag 2500 ord på kvart notat). Det eine fagnotatet skal skrivast på nynorsk, det andre på bokmål.
Learning outcomes
Etter fullført emne har studenten følgjande læringsutbytte definert som kunnskap, ferdigheit og generell kompetanse:
Kunnskap
Studenten
- har kunnskap om språklege endringsprosessar i fortid og samtid
- har innsikt i talemålsvariasjon i norsk på historisk og dialektologisk grunnlag
- har kunnskap om svensk, dansk og samiske språk, og kjennskap til nasjonale minoritetsspråk
- har kunnskap om eldre nordisk skjønnlitteratur, litteraturhistorie og ulike tilnærmingar til didaktisk arbeid med litteratur
- har kunnskap om fleirspråklegheit, fleirspråkleg praksis og om det å lære norsk som andrespråk
- har kunnskap om den gjeldande læreplanen for skolens norskfag
Ferdigheit
Studenten
- kan bruke kunnskap om talemål og skriftspråknormering i skriveopplæring frå 5. til 10. trinn
- kan bruke didaktiske ferdigheiter i egen nynorskundervisning
- kan gjennomføre god undervisning i fleirspråklege klasserom og bruke fleirspråklegheit som ressurs i undervisninga
- kan lese, analysere, tolke og vurdere norske tekstar, sjå dei i eit historisk perspektiv og setje dei inn ein kulturell og offentleg samanheng
- kan bruke læreplanen i faget til å formulere mål for norskopplæringa og relevante kriterium for vurdering
Generell kompetanse
Studenten
- er stødig i bokmål og nynorsk
- kan formidle norskfagleg innsikt og tilpasse form og innhald til ulike målgrupper
- kan arbeide med språk og tekst i fleirspråklege klassemiljø og utvikle språk- og kulturforståing som tar den fleirkulturelle røyndomen på alvor
- kan vurdere norskfaget og eigen praksis som norsklærar og grunngi vurderingane
Teaching and learning methods
Kvart emne har tre samlingar og avsluttande eksamen. Kvar samling går over to dagar. Dialogen mellom student og lærar, oppgåveinnleveringar og individuell oppfølgjing frå lærar skjer i hovudsak digitalt. Deltakarane arbeider med skriftlege oppgåver knytt til pensumstoff og eiga undervisning mellom samlingane. Desse vert leverte som arbeidskrav i høgskulens digitale læringsplattform til fastsette fristar.
Course requirements
Følgjande arbeidskrav må vere godkjente før studentane kan gå opp til eksamen i emne 1:
- Eit fagnotat om eit litterært emne (omfang: 2000 ord +/-10%)
- Eit fagnotat om eit språkleg emne (omfang: 2000 ord +/-10%)
- Det eine arbeidskravet skal skrivast på nynorsk og det andre på bokmål
Assessment
Avsluttande eksamen vert gjennomført i haustsemesteret.
Den avsluttande vurderinga i emne 1 er ein individuell skriftleg heimeeksamen med oppgåver som kombinerer språklege og litterære emne. Omfang er om lag 4000 ord. Målform er bokmål.
Ny/utsett eksamen
Ny og utsett eksamen blir arrangert på same måte som ordinær eksamen. Ved første ny og utsett eksamen kan det leverast ein omarbeidd versjon av ordinær eksamen. Ved seinare forsøk må ny heimeeksamen leverast.
Studentens rettar og plikter ved ny/utsett eksamen framgår av Forskrift om studier og eksamen ved OsloMet. Studentar er sjølve ansvarlege for å melde seg opp til eventuell ny/utsett eksamen.
Grading scale
Det blir nytta graderte karakterar (A-F). Sjå forklaringar om graderte karakterar i programplanen.
Examiners
Eksamen vert vurdert av interne sensorar. Ekstern sensor les eit uttrekk av eksamenssvara og sensurerer desse i lag med intern sensor. Samsensur dannar grunnlag for karaktersettinga.