EPN

M5GNO1200 Norwegian, Subject 2 Course description

Course name in Norwegian
Norsk, emne 2
Study programme
Grunnskolelærerutdanning for trinn 5-10
Weight
15.0 ECTS
Year of study
2018/2019
Curriculum
FALL 2018
Schedule
Course history

Required preliminary courses

Ingen.

Learning outcomes

Etter fullført emne har studenten følgjande læringsutbytte definert som kunnskap, ferdigheiter og generell kompetanse:

Kunnskap

Studenten

  • har kunnskap om kva som kjenneteiknar eit utval skjønnlitterære tekstar, på nynorsk og bokmål, og i Norden, i ulike sjangrar og medium, for barn, unge og vaksne
  • har omfattande kunnskap om lesing og om kva rolle fiksjonstekstar har i tekstopplæringa
  • har kunnskap om litteraturhistorie og omfattande kunnskap om litteratur frå ulike tider, for barn, unge og vaksne
  • har brei kunnskap om litteraturdidaktiske tilnærmingar og kunnskap om ulike litteraturteoretiske perspektiv
  • har kunnskap om sentrale omsette barne- og ungdomsbøker på norsk
  • har kunnskap om samisk litteratur og kultur

Ferdigheter

Studenten

  • kan bruke kunnskap om litteratur i fagleg arbeid med munnlege, skriftlege og multimodale tekstar
  • kan legge til rette for at elevane får lese, skrive og samtale om fiksjonstekstar  i ulike sjangrar og medium
  • kan kartlegge og vurdere leseferdigheiter og gi læringsfremjande respons
  • kan legge til rette for at elevar får lese og skrive  fiksjonstekstar for ulike formål og i ulike sjangrar og medium
  • kan planlegge, gjennomføre og vurdere arbeid med skjønnlitteratur frå ulike perspektiv og for ulike formål
  • kan grunngje kvifor fiksjonstekstar utgjer ein viktig del av tekstopplæringa

Generell kompetanse

Studenten

  • kan planlegge, gjennomføre og reflektere over norskundervisning i sentrale emne og gjere greie for elev- og trinntilpassa fagdidaktiske val
  • kan formidle fagstoff om fiksjon i relevante uttrykksformer

Content

Emne 2 tar føre seg det særskilde ved fiksjonstekstar og grunngivingar for at lesing av fiksjonstekstar er sentral i norskopplæringa. Elevar omgir seg med eit mangfald av fiksjonstekstar gjennom bruk av ulike medium fordi desse tilbyr oppleving. Eit didaktisk mål i undervisningssamanheng er å styrke elevane si fiksjonsforståing ved å utvikle deira tolkande, analytiske og kritiske haldning. Ei slik haldning øver opp kontekstmedvit og retorisk medvit. 

  • Lesestrategiar og teoriar om lesing
  • Barnelitteratur, ungdomslitteratur og litteratur for vaksne
  • Litterære sjangrar: epikk, drama og lyrikk
  • Litteraturhistorie og kanon
  • Skjønnlitteratur i nordisk perspektiv
  • Litteraturteori og litteraturdidaktikk

Teaching and learning methods

Sjå fagplanen.

Course requirements

Retten til å avlegge eksamen har som vilkår godkjente arbeidskrav og deltaking i bestemte faglege aktivitetar. Sjå fagplandelen ovanfor for nærare informasjon om krav til innlevering og vilkår ved manglande innlevering.

  • Mappeskriving: Fire tekstar knytt til arbeid med fiksjon. Individuelt.Respons med bruk av digitale verktøy. Målet er oppøving i lesing av, skriving om og vurdering av skjønnlitterære tekstar, og erfaring med mappe som vurderingsform. Målform: nynorsk. Omfang for kvart arbeidskrav: Frå 800 til 3000 ord. Sjå nærare instruksar i Mappeskrivdokumentet.
  • Individuell framføring av munnleg forteljing. Målet er å kunne fortelje utan manus og formidle tradisjonsstoff til medstudentar og elevar. Omfang: ca. 5 minutt per student.

Assessment

Individuell mappeeksamen. Vurdering av mappe med tre tekstar valt frå arbeidsmappe (sjå avsnittet

Arbeidskrav over) valt av studentane, samt refleksjonsnotat.

Omfang på mappa: 5 000 ord +/- 10 %, inkludert refleksjonsnotat på 1000 ord +/- 10 %.

Målform: nynorsk.

Ved ikkje bestått karakter leverer studenten inn reviderte tekstar med utgangspunkt i opphavleg arbeidsmappe innan fastsett frist. Det blir ikkje gitt ny rettleiing frå faglærar.

Permitted exam materials and equipment

Alle hjelpemiddel tillatne.

Grading scale

Det blir nytta ein karakterskala frå A til E for bestått og F for ikkje bestått.

Examiners

Det blir nytta intern og ekstern sensor.