GLSM6400 In-depth Math Course description

Det faglege innhaldet i emne 4 er ei fordjuping med 15 studiepoeng i matematikk. 

Opptak til studiet.

Etter fullført emne har studenten følgjande læringsutbytte i faget definert som kunnskap, ferdigheiter og generell kompetanse:

Kunnskap

Studenten har

• inngåande undervisningskunnskap om matematikken elevane arbeider med på 1.-4. trinn, særleg utvidingar av talomgrep, multiplikasjon og divisjon, relasjonar mellom rekneartar, statistikk
• kunnskap om korleis elevar utviklar matematikkunnskap gjennom undersøkingar, eksperiment og argumentasjon
• kunnskap om ulike teoriar for læring, og om samanheng mellom læringssyn og fag- og kunnskapssyn
• undervisningskunnskap om rekning som grunnleggjande ferdigheit i alle skulefaga og kunnskap om alle dei grunnleggjande ferdigheitene i matematikkfaget

Ferdigheiter

Studenten kan

• utvikle og bruke arbeidsmåtar og læringsaktivitetar som fremmar undringa, kreativiteten og evna hos elevane til å arbeide systematisk med utforskande aktivitetar, grunngjevingar, argument og bevis
• analysere og vurdere tenkemåtane, argumentasjonen og løysingsmetodane til elevane frå ulike perspektiv på kunnskap og læring

Generell kompetanse

Studenten har

• forståing for matematikk som allmenndannande fag og samspelet med kultur, filosofi og samfunnsutvikling

Retten til å ta eksamen føreset godkjende arbeidskrav.

Arbeidskrav

Følgjande arbeidskrav må vere godkjende før ein kan ta eksamen i emne 4 (andre studieår):

• Matematikk: Individuell arbeidsmappe. Studentane leverer tre mappearbeid knytt til fagemna i matematikk og til erfaringar i skulen etter nærare retningslinjer i undervisningsplanen. Studentane utfører eit av desse mappearbeida i gruppe. Mappene skal leverast til faglærar, som gjev tilbakemelding til studenten. Omfang om lag 10 sider kvar.

Avsluttande vurdering blir gjennomført i vårsemestret. Eksamen er ein individuell munnleg eksamen. Omfang: inntil 30 minutt. Den munnlege eksamineringa tar utgangspunkt i arbeidsmappa i matematikk, som inneheld tekstar studentane har arbeidd med i løpet av heile studiet, både 1. og 2. studieår.

Gradert skala A-F

Det blir nytta intern og ekstern sensor.