M1GNO2100 Norsk 1, emne 3 Emneplan

https://student.oslomet.no/m1glu-fagplan-norsk-2018-2019

Ingen.

Etter fullført emne har studenten følgjande læringsutbytte definert som kunnskap, ferdigheiter og generell kompetanse:

Kunnskap

Studenten

• har omfattande kunnskap om barns språkutvikling
• har kunnskap om språket som system og språket i bruk
• har brei kunnskap om metodar i den første lese- og skriveopplæringa
• har kunnskap om eit utval skjønnlitterære tekstar i ulike sjangrar og medium, med vekt på dikt og bildebøker
• har kunnskap om kva som kjenneteiknar munnlege, skriftlege og multimodale tekstar, på nynorsk og bokmål, i ulike sjangrar og medium
• har kunnskap om språkleg identitet, norsk som andrespråk og fleirspråkleg praksis for trinn1-4
• har kunnskap om læremiddel for trinn 1-4, både digitale og andre
• har kunnskap om lese-, skrive- og språkvanskar

Ferdigheiter

Studenten

• kan bruke kunnskap om språk og språkutvikling i språkstimulerande arbeid og gjere greie for fagdidaktiske val som skal fremje munnleg og skriftleg språkutvikling for elevar på 1.-4. trinn
• kan planlegge, gjennomføre og evaluere elev- og klassesamtalar
• kan bruke kunnskap om kva som kjenneteiknar ulike tekstar og sjangrar i arbeid med munnlege, skriftlege og multimodale tekstar i ulike medium
• kan bruke ulike metodar i den første lese- og skriveopplæringa og tilpasse opplæringa for elevar med ulik bakgrunn og varierande ferdigheiter i norsk
• kan vurdere ulike norskfaglege læremiddel, digitale og andre for elevar på 1.-4. trinn
• kan kjenne att teikn på lese-, skrive- og språkvanskar
• meistrar skriftleg nynorsk og bokmål og kan undervise elevar i begge målformer

Generell kompetanse

Studenten

• kan legge til rette for at elevane utviklar og vidareutviklar grunnleggande språkferdigheiter og blir tekstkyndige språkbrukarar som kan delta aktivt i klasserommet og på andre sosiale arenaer
• kan planlegge og gjennomføre norskundervisning i sentrale emne og gjere greie for elevtilpassa fagdidaktiske val
• kan vurdere eigen praksis med gjeldande læreplanar, fagkunnskap og fagdidaktisk innsikt som grunnlag

Sjå fagplanen.

Arbeidskrava må vere godkjende for at studentane skal kunne gå opp til eksamen. Sjå fagplandelen ovanfor for nærare informasjon om krav til innlevering og vilkår ved manglande innlevering.

Fleirfagleg arbeid med begynnaropplæring

Ei fleirfagleg gruppeoppgåve knytt til faga norsk, matematikk og pedagogikk og elevkunnskap om begynnaropplæring. Utgangspunktet for arbeidskravet er to observasjonsdagar i 1. klasse. Arbeidskravet inneheld ei skriftleg oppgåve, ein munnleg presentasjon og deltaking på eit arrangement knytt til begynnaropplæring (begynnaropplæringsfestival). Omfanget av den skriftlege delen er 5000 ord +/- 10 %. Den munnlege delen blir organisert som ei messe etter nærmare retningslinjer. Presentasjonen skal innehalde praktisk-estetiske element, i tråd med retningslinjene i oppgåveteksten. Kravet om oppmøte til arrangementet knytt til begynnaropplæring skal sjåast i samanheng med det generelle kravet om deltaking i faget. Nærmare informasjon om krav til deltaking blir gitt før arrangementet. Føremålet med oppgåva er å få erfaring med korleis ein med leikprega aktivitetar kan ta utgangspunkt i og vidareutvikle matematikk- og norskkompetansen til elevane ved skolestart.

Dersom den skriftlege delen ikkje blir godkjend, kan arbeidet forbetrast og leverast inn éin gong til. Dersom studenten ikkje møter til begynnaropplæringsmessa eller observasjonsdagane, vil det bli gitt ei kompensatorisk oppgåve etter nærmare avtale med faglærar. Denne kompensatoriske oppgåva kan bli gitt individuelt.

Målform: Bokmål

Lage ei bildebok

Studentane lager ei bildebok for 5-7-åringen i grupper på to til fem studentar. Føremålet med arbeidskravet er at studentane skal bruke estetiske arbeidsmåtar og å modellere ei arbeidsform som er tenkt brukt på småtrinnet. Arbeidet med bildeboka er eit samarbeid mellom kunst- og handverk og norskfaget, og er dermed fagovergripande (jf. programplanen om fagovergripande tema ulike studieår).

Målform: Nynorsk.

Dikt, digitale og analoge uttrykksformer

Studentane presenterer eit utval dikt i grupper ved bruk av digitale og analoge uttrykksformer, og bruk av musiske og dramapedagogiske element. Føremålet med arbeidskravet er å utforske ulike uttrykksformer for tekstskaping og tekstpresentasjon som modellerer arbeidsformer til bruk på småtrinnet. Arbeidet med diktframføringa er eit samarbeid mellom musikk, IKT, drama og norskfaget, og er dermed fagovergripande (jf. programplanen om fagovergripande tema ulike studieår).

Individuell munnleg eksamen på om lag 20 minutt med 30 minutt førebuing.

Ny/utsett eksamen blir arrangert som ved ordinær eksamen.

Alle hjelpemiddel tillatne i førebuingsfasen.

Det blir gitt gradert karakter A-F, der A-E er bestått og F er ikkje bestått.

To interne sensorar. Ein tilsynssensor er tilknytt emnet etter retningslinjene for oppnemning og bruk av sensorar ved HiOA.