KFKNU16100 Norwegian 1 Level 5-10, Subject 1 Course description

Emne 1 ligg i haustsemesteret, og har avsluttande munnleg eksamen før jul. Skriving og vurdering har ein sentral plass saman med språklege emne og elevtekstanalyse. Studentane har arbeidskrav som føreset arbeid i eigne grunnskuleklassar.

Etter fullført emne har studenten følgande læringsutbytte definert som kunnskap, ferdigheiter og generell kompetanse:

Kunnskap

Studenten

• har brei kunnskap om språket som system og språket i bruk
• har kunnskap om metaspråk og språkleg medvit
• har kunnskap om relevante teoriar om skriving, skriveopplæring; og skrivestrategiar
• har omfattande innsikt i korleis elever på mellomtrinnet og ungdomstrinnet kan vidareutvikle skrivinga si
• har kunnskap om vurdering og vurderingsformer
• har kunnskap om gjeldande læreplan;for skulens norskfag
• har kunnskap om bruk av digitale verktøy i norskfaget

Ferdigheter

Studenten

• kan vurdere og bruke relevante undervisningsmetodar i skriveopplæring frå 5. til 10. trinn
• kan legge til rette for at elevane får skrive sakprega tekster og fiksjonstekstar av ulike slag
• kan rettleie og vurdere skriftleg tekstproduksjon hos elevar på på mellomtrinnet og ungdomstrinnet
• kan bruke språk- og tekstkunnskap i arbeid med analyse, respons og vurdering av skriftlege elevtekster for å fremje læring
• kan bruke læreplanen i faget til å formulere mål for norskopplæringa og relevante kriterium for vurdering
• kan bruke ulike vurderingsmåtar i norskfaget

Generell kompetanse

Studenten

• er stødig i skriftleg bokmål og nynorsk
• kan formidle norskfagleg innsikt og tilpasse form og innhald til ulike målgrupper
• kan legge til rette for arbeid med språk og skriving og oppfordre elevane til aktiv deltaking i det offentlege liv

• Skriving i ulike sjangrar
• Skrivestrategiar og teoriar om skriving
• Vurdering
• Bruk av digitale verktøy og digitale læringsressursar i skriving
• Prosessorientert skriving og skrivemappe i klasserommet
• Læremiddel. Sakprosatekstar, samansette tekstar
• Elevtekstanalyse og -vurdering
• Mellomspråk og språklæring
• Grammatisk kunnskap: fonologi, morfologi og syntaks

Dialogen mellom student og lærar, oppgåveinnleveringar, faglege ressursar og individuell oppfølging frå lærar skjer i nettbasert forum. Arbeidet med sakprosaskriving i grunnskolen og analyse av elevtekstar føreset;innlevering i OsloMets digitale læringsplattform, og studentane får rettleiing i dette arbeidet gjennom skriftleg dialog med faglærar på nettet. I tillegg til undervisning blir samlingane brukt til erfaringsdeling med utgangspunkt i praksisopplegg deltakarane gjennomfører i eigen klasse.

Deltakarane arbeider med didaktiske oppgåver til fagstoffet mellom samlingane.

Følgande arbeidskrav må vere godkjende før studentane kan gå opp til eksamen i emne 1:

• Gruppeoppgåve (om lag 5000 ord): Utprøving og vurdering av sakprosaskriving i i eigen klasse i grunnskulen. Oppgåva føreset deltaking på første og andre samling, erfaringsutveksling og samskriving på nettet. Arbeidskravet inneber og samarbeid og kunnskapsdeling i eige kollegium. Faglærar på OsloMet gir digital respons på gruppeoppgåva før endeleg innlevering. Innlevering på universitetets digitale læringsplattform. Målform: nynorsk.
• Individuell oppgåve (om lag 2000 ord): Elevtekstanalyse på makro- og mikronivå. Innlevering på universitetets digitale læringsplattform. Målform: bokmål.

Eksamen vert gjennomført i haustsemesteret.;Den avsluttande vurderinga på emne 1 er ein individuell munnleg eksamen i språklege emne med 20 minutt førebuing og om lag 20 minutt eksaminasjon. Eksamen blir halden på OsloMet.

Ny/utsett eksamen

Ny og utsett eksamen vert gjennomført på same måte som ved ordinær eksamen.

Studentens rettar og plikter ved ny/utsett eksamen framgår av Forskrift om studier og eksamen ved OsloMet. Studentar er sjølve ansvarlege for å melde seg opp til eventuell ny/utsett eksamen.

Studentane vil ha tilgang til læreplan i norsk (NOR01-06) i førebuingsrommet.

Det blir nytta graderte karakterar. Sjå forklaringar om graderte karakterar i programplanen.

Det blir nytta to interne sensorar. Tilsynssensor evaluerer vurderingsformer og vurderingsprosessar i studieprogrammet.;

Sjå programplanen.