Forestillinga er av og med Bjørg Sofie Eline Grutle Sætre, student på master i estetiske fag, studieretning teater og samfunn.
Vår bevisstheit er kroppsleg forankra, og opplevinga vår av verda påverkast av vår fysiske eksistens. Med den pretensiøse setninga vil eg dermed invitera deg til å bli med på ei reise gjennom tankane sitt episodiske mønster, formidla gjennom monolog, dialog og bevegelse. Len deg tilbake (eller fram) og ver vitne til ein form for fysisk TikTok der filosofi, humor og sårbarheit blir blanda saman til ei stor heksegryta med den dramatiske tittelen: Humoristisk Eksistensialisme.